राप्ती नगरपालिका अन्तर्गतका सम्पूर्ण कार्यालयहरूमा आजदेखि एकीकृत कार्यालय व्यवस्थापन प्रणाली (GIOMS), सूत्र राजस्व प्रणाली(SuTRA Revenue), पाम्स प्रणाली(PAMS) लगायत विगतदेखि सञ्चालनमा रहेका सबै अनलाइन प्रणालीहरूको प्रयोग अनिवार्य गरिएको छ ।

यस अन्तर्गत, सम्बन्धित प्रणालीहरूको प्रभावकारी प्रयोगका लागि हिजो एकदिने अभिमुखीकरण तथा प्रयोगात्मक तालिम सम्पन्न गरिएको थियो ।

तालिममा सहभागी कर्मचारीहरूलाई प्रणालीहरूको प्रयोग, कार्यप्रवाह व्यवस्थापन, तथा डिजिटल प्रशासनसम्बन्धी विषयमा जानकारी प्रदान गरिएको थियो ।

राप्ती नगरपालिका सेवा प्रवाहलाई थप छरितो, पारदर्शी र उत्तरदायी बनाउने उद्देश्यले यो निर्णय कार्यान्वयनमा ल्याइएको हो ।